Մի երկու խոսք նրա մասին, ինչի մասին արդեն խելացի մարդիկ ասել են։
Վահե Ավետյանի մահվան հետ կապված շրջանառվող մտքերը, թե մարդիկ կան, առիթից են օգտվում, որ Սերժիկի հրաժարականն են խառնում, մի տեսակ ․․․ ոնց ասեմ․․․․ քաղաքացիական անգրագետ մտածողության հետեւանք ա, ու թացը չորից չտարբերելու։
Նախ ասեմ, որ բոլորիս համար էլ ակնհայտ է, որ Սերժիկը Նեմեցի կամ ինչպես նրան հիմա ենք կոչում ֆաշիստի ֆաշիստ դառնալու մեջ ամենամեծ դերն ունի, մի նրա չափ էլ Ռոբիկը։ Եթե կա ինչ֊որ մեկը, ում դա պարզ չի, խնդրում եմ ուղեղը միացնելուց հետո կարդալ ՀՀ վերջին 10-12 տարվա տպագիր մամուլը։
Մյուսը․ ի՞նչ ա նշանակում առիթից օգտվել։
Գլուխս պայթում ա էս մտքից։ Չէ, լուրջ էլի։ Ասենք, առիթից օգտվելով, կարելի է հետույք մտնել ինչ֊որ մեկին, առիթից օգտվելով, կարելի է համ նալին խփել, համ մեխին։ Բայց ի՞նչ ա նշանակում առիթից օգտվելով, էդ ամենի մեջ մեղավորի հրաժարականը պահանջել, ես չեմ հասկանում։ Նույն կերպ, կարելի է ասել, որ մարտի 1֊ն էլ ենք տենց առիթ դարձրել, ու առհասարակ նստած սպասում ենք, մեկը մեռնի, առիթ լինի։
Գիտեք ինչ, եթե մարդուն սպանում են ծեծելով, ու մարդիկ մարդասպաններին հովանավորողների հրաժարականն են պահանջում, էդտեղ «առիթ փնտրելը» (այսինքն մարդկանց պահանջը որպես առիթ փնտրել որակելը) մարդասպանների ջրաղացին ջուր լցնել ա, ամենաքիչը։
Ու մի հատ էլ, եթե էդ արվում ա բարի դեմքով, թե մենք էլ ենք դեմ, որ մարդ սպանեն, մենք էլ դեմ էս ռեժիմին, էդ ամենավատն ա։ Մարդիկ կան, որ անկեղծ են, ու ուզում եմ դիմել իրենց․
մի կրկնեք ուրիշների նման մտքերը, ինչքան էլ դրանք ձեզ առաջին հայացքից տրամաբանական թվան, որովհետեւ, հիմա Հայաստանում խառը վիճակ է, հայտնվել են բազմաթիվ իբր ընդդիմադիր գործիչներ, հասարակական պահանջներ ներկայացնող գործիչներ, որոնք իրականում հեչ էլ ընդդիմադիր չեն։ իշխանությունը սկսել է նորերին ներդնել, որովհետեւ գեղամյանանման գործիչներին քաղաքական դաշտից արդեն մաքրել է ընդդիմությունը։ իսկ ուժեղ ընդդիմությունը վտանագավոր է։ դրա համար էլ, նրանք գտնում են նոր մարդկանց, որոնք դեռ այնքան խայտառակված չեն, ինչպես գեղամյանադհոլները։ նրանք փորձում են այլ ուղղությամբ տանել տեղի ունեցողը, նրանք գործելու են իրենց մասին տեղեկություն չունեցող մարդկանց միջոցով։ մի դարձեք այդ գործիքը նրանց ձեռքերում։ մեկի մասին եթե առաջին անգամ եք լսում, մի լավ փորփրեք, տեսեք ով է, ինչ է արել անցյալում, ում հետ ոնց է եղել, որ կուսակցությունից ու նման էլի բաներ։
Հա, մի անգամ արդեն «առիթից չենք օգտվել» ու Ռոբիկին ճիշտ ժամանակին՝ Պողոս Պողոսյանի մահվան ժամանակ, կամ Հոկտեմբերի 27֊ից հետո, չենք հանել նախագահի աթոռից ու տեղափոխել մեղադրյալի աթոռին։ Վատ ենք արել։ Նույն սխալը էլ չենք կրկնի։ Հուսով եմ․․․
Չվհատվող 